Ken jy die verhaal van Ananias en Saffira?

In die vroeë dae van die Christelike kerk, soos beskryf in Handelinge 5:1-11, was daar ‘n egpaar genaamd Ananias en Saffira. Hulle het ‘n stuk grond besit en besluit om dit te verkoop, met die voorneme om die opbrengs aan die apostels te gee vir die gemeenskap se behoeftes. Dit was ‘n tyd toe baie gelowiges hul besittings gedeel het om mekaar te ondersteun.

Ananias en Saffira het egter besluit om ‘n deel van die geld vir hulself te hou, terwyl hulle voorgegee het dat hulle die volle bedrag geskenk het. Ananias het die geld na die apostels gebring en dit neergelê asof dit die volle opbrengs was. Petrus, deur die inspirasie van die Heilige Gees, het geweet van die bedrog en gevra: “Ananias, waarom het jy jou deur Satan laat mislei om vir die Heilige Gees te lieg en ‘n deel van die geld vir jou te hou?”

Petrus het verduidelik dat die grond aan Ananias behoort het en dat hy vry was om te doen wat hy wou met die opbrengs. Die sonde was nie in die terughou van ‘n deel van die geld nie, maar in die leuen en die poging om voor te gee dat hy alles gegee het. Hierdie daad was ‘n leuen nie net aan mense nie, maar aan God.

By die hoor van hierdie woorde het Ananias neergeval en gesterf.

Later het Saffira ingekom, onbewus van wat gebeur het. Petrus het haar gevra of die bedrag wat hulle gegee het die volle bedrag van die verkoop was, en sy het bevestigend geantwoord. Petrus het haar gekonfronteer met die leuen, en sy het ook neergeval en gesterf.

Hierdie voorval het groot vrees onder die vroeë kerk gebring en dien as ‘n kragtige herinnering aan die erns van sonde en die belangrikheid van opregtheid voor God. Dit illustreer hoe die keuse om doelbewus te sondig en te lieg oor ons dade ernstige gevolge kan hê.

¹⁷Dinge wat nie vir God reg is nie, is natuurlik sonde. Maar deur sonde te doen dompel die gelowige hom nie noodwendig in die geestelike dood in nie. 

Dalk moet ons reguit praat. Dis eenvoudig. Dinge wat nie reg is en binne die wil van God val nie, is verkeerd. Dis sonde. En ja, ons moenie te hard op Ananias en Saffira wees nie, want ons pas ook maklik in hulle skoene.

Aan die een kant het hulle eintlik goed gedoen om hulle huis te verkoop om so vir Petrus en die bediening te sorg, maar toe hulle die geld kry, was dit darem seker net te veel in hulle oë. Sjoe, hulle het mos hard gewerk vir al die geld.

En hulle maak ’n fout. Nie om die geld terug te hou nie, maar om nie eerlik te wees met die skenking nie.

Die duiwel is slinks en terwyl ons goeddoen, pootjie hy ’n mens. Ons moet daarvoor pasop. Ons moet dit verwag en onsself daarteen staal om nie in die gat te trap nie. Laat ons met alles in ons probeer om reg te doen.

Teks
1 Johannes 5:14-21

Om oor na te dink
Waar krap iets aan jou reg doen?
Wie probeer jou verblind?
Wat moet jy doen om die verkeerde goeters uit jou lewe te kry?

Gebed
Vader, ek is jammer vir die sonde in my lewe. Help my om die verkeerde uit my dade te kry en net reg te doen. Amen.